Friday, July 12, 2019

TELL AND LISTEN TO STORIES EVERYDAY

 MOUNT EVEREST STORYTELLING EXPRESS
----------
TELL AND LISTEN TO STORIES EVERYDAY

काठमाडौँ, असार २९/ किताब क्याफे, बसुन्धरा, काठमाडौँमा लेखकसँग साक्षात्कार कार्यक्रममा गत शनिवार २८ गते बालसाहित्य लेखक कार्तिकेयले कथावाचन गर्नुभयो । कार्यक्रममा बालसाहित्य लेखक ललिता शर्मा (बाँके, नेपालगन्ज) र आश्मा अर्यालले लेखकलाई रचनावाचन र उद्घोषणमा सघाउनुभएको थियो ।
माउन्ट एभरेस्ट स्टोरी टेलिङ एक्सप्रेस, कथा सुनौं र सुनाऔं अभियानका अभियन्ता कार्तिकेयले उक्त कथावाचन समारोहमा 'आमा, पपी छुट्यो', 'नयन हरायो', 'म चोर होईन', 'फुच्ची नानी सूर्य भेट्न गइन्' र 'नयाँ पाहुना' गरी आफ्ना ५ वटा बालकथा वाचन गरी सुनाउनुभएको थियो । अन्त्यमा उहाँले हुम्लाको किम्बदन्तीमा आधारित कथा 'लच्छिनको दाँत' सुनाएर बालबालिकालाई अझ बढी रमाइलो थप्नुभएको थियो । 'लच्छिनको दाँत' कथा के.बी. सिम्पलले पुनर्कथन र कार्तिकेयले सम्पादन गर्नुभएको कथा हो । उक्त समारोहमा लेखक ललिता शर्माले कार्तिकेय लिखित वाग्मती नदीमा शीर्षक कथा र आफ्नो एउटा कथा वाचन गर्नुभएको थियो । कथावाचक कार्तिकेयले कथावाचन गरिएका कृतिहरुका चित्रकारहरु क्रमशः सुमन महर्जन, समित श्रेष्ठ, राजुबाबु शाक्य सारब र अविन श्रेष्ठ तथा प्रकाशक बुकआर्ट नेपाल र नयाँ पाहुना कृतिका प्रकाशक कथालयलाई हार्दिक धन्यवाद ज्ञापन गर्नुभएको थियो । साथै उक्त अवसरमा वाचित ललिता शर्माको 'सपनाको क' चित्रकथाकृतिका चित्रकार सोनाम तामाङलाई पनि लेखक शर्माले हार्दिक धन्यवाद दिनुभएको थियो । कार्यक्रमको संयोजन किताब क्याफेका प्रबन्धकद्धय विभोर बराल र अर्चना बरालले गर्नुभएको थियो । 


No comments:

Post a Comment