कार्तिकेय बालप्रतिभा पुरस्कार कोषको वि.सं. २०६७ को पुरस्कारका लागि सिफारिस पठाउँने सम्बन्धी जरुरी सूचना

पुरस्कारको नामः कार्तिकेय बालप्रतिभा पुरस्कार २०६७

प्रतिभाको क्षेत्रः साहित्य सिर्जना, संगीत, अभिनय, विज्ञान, अध्ययन र साहसिक कार्य मध्ये कुनै एक वा यी मध्ये केही क्षेत्रमा विलक्षण क्षमता प्रदर्शन गर्न सफल भएकाले आवेदन गर्न सक्नुहुनेछ । (प्रतिकूल अवस्थामा रही हुर्किएर पनि विलक्षण क्षमता प्रदर्शन गर्न सफल प्रतिभाशाली बालबालिकाहरुलाई विशेष प्राथमिकता दिइने छ ।)

आवेदन दिने अन्तिम मितिः २०६७ असोज मसान्तभित्र ।

पुरस्कार घोषणा मितिः मंसिर ५ (नोभेम्बर २०) अर्न्तराष्ट्रिय बालअधिकार दिवसका अवसरमा ।

पुरस्कार बितरणः पुष ४ गते २०६७

पुरस्कार राशिः रु ५ हजार १ र सम्मान पत्र । विशेष कार्यक्रम गरी प्रदान गरिदै आइएको छ ।

आवेदन गर्दाः विद्यालयको र सम्बन्धित संघसंस्थाहरुको सिफारिस, प्राप्त उपलब्धीहरुको प्रमाण पत्रहरुको फोटोकपि, फोटो दुइ प्रति, अन्य बालप्रतिभाको क्षमतावारे थप जानकारी लिन सहयोग मिल्ने सम्पूर्ण कागजातहरु पठाउँनु पर्नेछ ।
शैक्षिक प्रोत्साहन पुरस्कारको लागि असहाय, गरिबीको अवस्थामा रहेर पनि पढाइमा बिलक्षण बालबालिकाहरुका लागि सम्बन्धित संघसंस्था, विधालय र बालबालिकाहरु स्वयंले हामीलाइ बालप्रतिभाको क्षमता वारे शैक्षिक प्रमाण पत्रको फोटोकपि र सिफारिसहरु पठाउँनु पर्नेछ । यो पुरस्कार लेखक घिमिरेको सिर्जना मन्चन र वाचन गरी च्यारिटी संकलन गरेको रकमबाट प्रदान गर्ने गरिएको छ ।

यस कोषको वारेमा थप कुरा:

स्थापनाः

वि.सं. २०५८ मा यस कोषको स्थापना भएको हो । बालअधिकारको प्रर्वर्धनका लागि विगत चौध वर्षेखि कार्यरत स्वतन्त्र संचारकर्मी एवं लेखक कार्तिकेय घिमिरेको विभिन्न पत्रपत्रिकाहरुमा प्रकाशित लेखरचनाहरुको पारिश्रमिक, प्राप्त पुरस्कारहरुको रकम र प्रकाशित पुस्तकहरुको लेखकस्व रोयल्टी जम्मा गरी यस कोषको स्थापना गरिएको हो । घिमिरेका हालसम्म पत्रपत्रिकाहरुमा एक हजार तीनसयभन्दा बढी लेखरचनाहरु, दुइ पचास भन्दा बढी बालकथाहरु र ३३ वटा बालसाहित्यका कृतिहरु प्रकाशित छन् । घिमिरे वि.सं. २०३३ पुस ३ गते हरिवन दुइ पुरानो बजार सर्लाहीमा जन्मनुभएको हो । उहाँको बुवाको नाम चन्द्रनाथ घिमिरे र आमाको नाम दुर्गा देवी घिमिरे हो । उहाँ परिवारको माइलो छोरा हुनुहुन्छ ।

स्थापनामा विशेष सहयोगः

यस कोषको स्थापनामा विशेष सहयोग विगत २४ वर्षदेखि शिक्षा क्षेत्रमा समर्पित शिक्षासेवी मोहनकुमार कार्कीले गर्नुभएको हो । उहाँ यस कोषका संस्थापक अध्यक्ष हुनुहुन्छ ।

उद्देश्यः

विलक्षण प्रतिभाशाली बालबालिकाहरुलाई पुरस्कृत गरी समाजमा चिनाउँने काम यस कोषले गर्दै आएको छ । आफ्नो प्रतिभालाई तिखार्दै अघि बढ्न प्रयासरत बालप्रतिभालाई हौसला प्रदान गर्नु कोषको प्रमुख लक्ष्य हो । यस कोषबाट हालसम्म ३८ जना बालप्रतिभाहरु पुरस्कृत र २४ जना बालप्रतिभाहरु सम्मानित हुनुभएको छ । बालबालिकाहरुको मानसिक, शारिरीकलगायत समग्र सिर्जनात्मक विकासका लागि कोष लागिरहेको छ । विलक्षण बालप्रतिभाहरुलाई समाजमा चिनिन सहयोग गरेर समाजका अरुलाई पनि उहाँहरुको प्रतिभाको विकासमा सहयोग गर्न प्रेरित गर्नु कोषको मुख्य लक्ष्य हो ।

सिफारिस पठाउँने ठेगाना:

अध्यक्षः मोहन कुमार कार्की
९७७- ९७५१००३५३१, ९८४१४७७५१५
पोस्ट बक्स नम्बर २५८५९ काठमाडौं ।
इमेलः ketaketinews@gmail.com, kartikeya99@gmail.com